- شنبه, 07 دلو 1402|21:09
- 0 نظر
نخست وزیر پاکستان: شهروندان افغانستان باید به قوانین مهاجرتی پاکستان پایبند باشند
انوارالحق کاکر، نخست وزیر موقت پاکستان گفته است که شهروندان کشورهای همسایه از جمله افغانستان باید به قوانین مهاجرتی پاکستان پایبند باشند.
انوارالحق کاکر، نخست‌وزیر موقت پاکستان گفته است که شهروندان کشورهای همسایه از جمله افغانستان باید به قوانین مهاجرتی پاکستان پایبند باشند.
کاکر این اظهارات را در گفت‌وگو با یک تلویزیون خصوصی پاکستانی که روز جمعه، 6 دلو منتشر شد، مطرح کرده است.
او بار دیگر از تصمیم اخراج مهاجران بدون مدرک از پاکستان حمایت کرد و افزوده است که «دولت بعدی» باید این روند را ادامه دهد.
به گفته وی، افغان‌هایی که وارد پاکستان می‌شوند، باید ویزا داشته باشند.
براساس گزارش طالبان، در سه ماه اخیر سال 2023 حدود 800 هزار مهاجر افغان به‌گونه اجباری و داوطلبانه از پاکستان، ایران، ترکیه و شماری دیگر از کشورها بازگشته‌اند.
بیش‌ترین شمار بازگشت‌داده‌شده‌گان در ماه‌های اخیر را مهاجرانی تشکیل می‌دهند که از پاکستان به‌گونه اجباری اخراج شده‌اند.