- دوشنبه, 06 قوس 1402|09:33
- 0 نظر
نشست امنیتی هرات تحت عنوان «بازخوانی افغانستان – راهکارهای متفاوت» آغاز شد
یازدهمین نشست امنیتی هرات تحت عنوان «بازخوانی افغانستان، راه کارهای متفاوت» در دوشنبه تاجیکستان با حضور شمار زیادی از چهره های سیاسی مخالف طالبان و شخصیت های علمی، فعالان حقوق بشر، فعالان مدنی و نمایندگانی از کشورهای منطقه آغاز شد.
یازدهمین نشست امنیتی هرات تحت عنوان «بازخوانی افغانستان، راهکارهای متفاوت» در دوشنبه تاجیکستان با حضور شمار زیادی از چهره‌های سیاسی مخالف طالبان و شخصیت‌های علمی، فعالان حقوق بشر، فعالان مدنی و نمایندگانی از کشورهای منطقه آغاز شد.
این کنفرانس دو روزه امروز (دوشنبه، 6 قوس) آغاز شده که وضعیت کنونی و آینده افغانستان را مورد بحث قرار می‌دهد.
در این کنفرانس امنیتی قرار است نماینده‌گان از کشورهای مختلف آسیایی روی وضعیت امنیتی افغانستان و منطقه، تشکیل دولت فراگیر و وضعیت حقوق بشر در افغانستان صحبت کنند.
دهمین نشست هرات هم نیز سال گذشته در تاجیکستان برگزار شد، که در آن نشست هم نزدیک به 200 اشتراک کننده از اروپا، امریکا و آسیا برتشکیل دولت مشارکتی مؤقت و رعایت حقوق بشر به ویژه حقوق زنان در افغانستان تأکید کردند.
این در حالی‌ست که تاجیکستان تنها کشور همسایه افعانستان است که به شدت با حاکمیت طالبان در افغانستان مخالفت کرده و میزبان اعضای ارشد جبهه مقاومت ملی به رهبری احمد مسعود است.
