- یک‌شنبه, 27 جوزا 1403|08:29
- 0 نظر
نماینده روسیه: تاجیکستان مخالف حضور طالبان در شانگهای است
ضمیر کابلوف، نماینده ویژه روسیه برای افغانستان گفته که تاجیکستان تنها مخالف طالبان برای حضور این گروه در سازمان همکاری های شانگهای (SCO) است.
ضمیر کابلوف، نماینده ویژه روسیه برای افغانستان گفته که تاجیکستان تنها مخالف طالبان برای حضور این گروه در سازمان همکاری‌های شانگهای (SCO) است.
خبرگزاری ریا نووستی روسیه روز شنبه، 26 جوزا، به نقل از ضمیر کابلوف نوشته که بیش‌تر شرکت‌کنندگان در نشست 20 و 21 می قزاقستان خواهان از سرگیری کار گروه همکاری شانگهای و افغانسان بوده‌اند، اما تاجیکستان با آن مخالفت کرده است.
این دیپلومات روسی ابراز امیدواری کرده است که دوشنبه به‌زودی موضع خود را در قبال افغانستان بازبینی کند.
طبق این گزارش، مخالفت دوشنبه با اشتراک طالبان در سازمان همکاری‌های شانگهای بحث مورد مناقشه وزیران خارجه کشورهای عضو این سازمان در نشست اخیر قزاقستان بوده است.
گروه طالبان یک سال پیش گفته بودند که آنان خواهان اشتراک در نشست‌های این سازمان استند و غیبت آنان سبب ناهماهنگی در امر مبارزه با تروریسم و مواد مخدر می‌شود.
طالبان تا کنون درباره مخالفت تاجیکستان با حضور این گروه در سازمان همکاری‌های شانگهای ابراز نظر نکرده‌اند.
تاجیکستان، پس از سقوط حکومت پیشین روابط دیپلماتیکش با افغانستان زیر تسلط طالبان را از سر نگرفته است و سفارت افغانستان در دوشنبه توسط دیپلمات حکومت پیشین اداره می‌شود.