ادعای نهاد کمک رسانی؛ طالبان مانع رساندن کمک های جهانی به مردم
یک نهاد بین‌المللی کمک‌رسانی می‌گوید که دخالت طالبان روند کمک‌رسانی را دچار مشکل می‌کند.
دفتر هماهنگی کمک‌های بشردوستانه سازمان ملل متحد(اوچا) می‌گوید: در سپتامبر سال جاری نهادهای کمک‌رسانی 173 مورد از مداخله طالبان و منع کمک‌رسانی به مردم را گزارش کرده‌اند.
این نهاد بین‌المللی با اشاره به اینکه دخالت طالبان باعث ایجاد مشکل در امر کمک‌رسانی می‌شود، تصریح کرد: دخالت‌های طالبان عمدتا در امور بخشهای اداری و دفتری انجام می‌شود.
بر اساس گزارش اوچا، به دلیل دخالت‌های طالبان، گروههای کمک‌رسانی کار 83 پروژه را موقتا به حالت تعلیق درآورده‌اند.
این گزارش اوچا همچنین از جابجایی و تغییر نوع فعالیت سازمان‌های کمک‌رسانی بدلیل دخالت‌های طالبان خبر می‌دهد.
مقامات طالبان تاکنون درباره این گزارش واکنشی نشان نداده‌اند.