چې د رهبر د دفتر د اطلاعرسانۍ مرکز په حواله یې لیکلی وایی: د اسلامی انقلاب رهبر حضرت آیتالله سیدمجتبی حسینی خامنهای د یکشنبې په ورځ د وحدت اونۍ په مناسبت په یوه پیغام کې، د اسلام د ګران پیغمر د حضرت ختمی مرتبت محمد مصطفی(ص) او د اسلام د ستر پیغمبر لمسی حضرت امام جعفر صادق(ع)، د مبارکې زوکړې د کلیزې په مناسبت مبارکی ویلې او د اسلام دښمنانو او بدخواهانو پروګرام یې د اسلامی امت د کمزوری کولو او پر هغې د واکمنېدو لپاره د اختلافاتو د راڅرګندولو هڅه وبلله.
پیغام په لاندې ډول دی:
بسمالله الرحمن الرحیم
مُحمّدٌ رَسولُ اللهِ وَالّذینَ مَعَهُ اَشِّداءُ عَلی الکُفّارِ رُحَماءُ بَیْنَهُم
د سترې رڼا، د مخلوقاتو د تر ټولو غوره، روښانه څراغ، د خدای د غوره شوی، د علم ښار، د عالمونو د رحمت، د اسلام د ګران رسول حضرت محمد مصطفی صلیالله علیه وآله وسلم او د هغه د پاک او سپېڅلی اولاد، الهی حجت حضرت امام جعفر صادق علیهالسلام د مبارکې زوکړې ورځې په مناسبت د ایران شریف ملت او د اسلام ستر امت ته مبارکی وایم.
له هغې ورځې راهیسې چې د ختمی مرتبت حضرت محمد صلیالله علیه وآله وسلم د وجود لمر په مکه مکرمه کې راوخوت، د انسان د نېکمرغۍ هغه لرلید چې د لوی او متعال حق تعالی د بندګۍ او اطاعت په بشپړتیا پورې تړلی دی، لا روښانه شو.
د پیغمبرانو، الهی ملائکو او قدسیانو روحونه له خوښۍ ډک شول او د انسانانو او پېریانو شیطانانو له قهر، حسرت او غم څخه خپلې ګوتې وچیچلې، ځکه د خدای تر ټولو غوره مخلوق په ټولو بېشمېره هستیو کې د خاورې پر ډګر قدم اېښود او ډېر ژر به د نبوت او خاتمیت جامه واغوندی، د ستر قرآن په لاس کې نیولو او د انسانانو د هر اړخیز هدایت په مأموریت سره به د بشر د ستر کاروان حرکت د بندګۍ او الله تعالی ته د تکامل پر لوری تنظیم کړی.
د هغه حضرت او د هغه د معصومو اوصیاؤ ژوند په بشپړه توګه د هدایت او بندګۍ درس، د معرفت او مینې درس، د عقیدې او جهاد درس، د ژوند او فردی او ټولنیزو ښو اخلاقو درس، د امانت او رښتینولۍ درس، د عزت او کرامت درس، د علم او عمل درس، د رحمت او قاطعیت درس، د قسط او عدالت درس، او د وحدت او ورورولۍ درس دی.
هر څومره چې دا درسونه په ښه توګه زده او پرې عمل وشی، د بشر اولادونو لپاره د نېکمرغۍ او بریا لوړو څوکو ته رسېدل هماغومره اسانه کېږی.
موږ باور لرو چې د رحمت د پیغمبر پاک روح، او همدارنګه د هغه د پاکو او معصومو اوصیاؤ او حجتونو سپېڅلی ارواح، تل د مسلمانانو او اسلامی ټولنې پر حالاتو څارونکی، لارښوونکی او مهربانه دی.
کله چې د دې مهربان او ستر پلار له اولادونو څخه کومه تېروتنه وشی، د هغوی خاطر خپه کېږی او هر کله چې مسلمانان د هغوی پر درسونو او لارښوونو عمل وکړی، د هغوی مبارک زړه خوشحالېږی.
اوس اسلام او د هغه پیروان، له سختو او له توپانونو ډکو پړاوونو، او د لومړۍ دورې څخه تر اوسه پورې د ګڼو لوړو ژورو له تېرېدو وروسته، یوې برخلیک ټاکونکې او مهمې مرحلې ته رسېدلی دی.
نن مسلمانان کولی شی ډېر اغېزناک او تاریخجوړوونکی رول ولوبوی.
نن هغه ورځ ده چې د باطل پر وړاندې د حق د وروستۍ بریا او د کفر پر وړاندې د اسلام د برلاسۍ لرلید، د تېرو ټولو دورو په پرتله په څرګند ډول حقیقت ته ډېر نږدې شوی دی.
د دې مهم کار لومړی شرط د مسلمانانو د کلمې یووالی دی.
د نړیوال کفر پر وړاندې د مسلمانانو وحدت، قرآنی تګلاره او د اصیل محمدی اسلام یوه بنسټیزه ښوونه ده، نه یوه سطحی او لنډمهاله موضوع.
له وحدت څخه موخه دا ده چې د اسلامی ټولنو په عمومی کچه، د ټولو ترمنځ ګډ ټکی د محور او اصل په توګه وټاکل شی. البته هڅه باید وشی چې د استدلال پر بنسټ، د ورورولۍ او ملګرتیا د ټولو اصولو په رعایت او لکه څنګه چې د قرآنی ښوونو غوښتنه ده، په بشپړه سوله کې، د اختلاف ټکی په ګډو ټکو بدل شی.
څه چې څرګند دی، دا دی چې د اسلامی ټولنو ټول مسلمانان باید له نړیوال کفر سره د مقابلې پر مهال د قرآن کریم دا اصل «پر کافرانو سخت او د یو بل لپاره مهربانه» د خپل فکر، وینا او عمل محور وګرځوی، او په همدې توګه اسلامی وحدت او یووالی رامنځته کېږی.
هر کله چې د دې اسمانی پیغام له دوو برخو څخه هره یوه د مسلمانانو له عملی ژوند څخه لرې شی، هغوی به هم له هغه عزتمند مقام څخه چې په حقه توګه یې د اسلامی نړۍ په منځ کې ترلاسه کړی و، لرې شی؛ او دا داسې قاعده ده چې ترې سرغړونه نه کېږی.
دا قاعده د اسلامی انقلاب له اساسی اصولو او پیغامونو څخه یوه ده. د لومړۍ وحدت اونۍ د جوړېدو وخت د 1356 لمریز کال د کب میاشتې او د پهلوی ظالم نظام پر وړاندې د مبارزې دورې ته ورګرځی؛ هغه مهال چې ستر رهبر، شهید اعلیالله مقامهالشریف، په ایرانشهر کې د خپلې تبعید دورې پر مهال دا فکر مطرح کړ او شیعهوو او سنیانو ترې هرکلی وکړ.
د اسلامی انقلاب له بریا لږ وروسته، د اسلامی جمهوریت د بنسټګر حضرت امام خمینی قدسسرهالشریف په تدبیر، «د وحدت اونۍ» رسمی شوه.
د لوی خدای په فضل، د مسلمان ملت د ټولو وګړو ترمنځ د وحدت موضوع په ایران کې یوه بریالۍ بېلګه لری او د دښمنانو دسیسو د دې وحدت د زیانمنولو لپاره ډېر اغېز نه دی کړی.
خو په څرګنده توګه، بدخواهان تل دې ستر نعمت ته په کمین کې دی. هغه څه چې هغوی ته هیله ورکوی، د اختلافاتو برجسته کول دی.
که څه هم عقیدوی او مذهبی اختلافات د اسلام د دښمنانو د موخې یوه مهمه برخه ګڼل کېږی او هغو پرې ډېر حساب کوی؛ خو په همدې به بسنه ونه کړی، بلکې هڅه کوی چې هر ډول نژادی، فرهنګی، ټولنیز، اقتصادی، سیاسی او جغرافیایی توپیرونه په ایران او هر بل اسلامی هېواد کې د مسلمانانو ترمنځ د اختلاف رامنځته کولو لپاره په پلمو بدل کړی، څو له دې لارې د اسلامی امت ټوټه ټوټه کېدل او د هغه د ځواک کمزوری کېدل ننداره کړی او په مناسب فرصت کې پر هغوی خپله واکمنی ټینګه کړی.
په دې مواردو کې د قرآن کریم لارښوونه په دې مبارک آیت کې راغلې ده «اَشِدّاءُ عَلی الکُفّار، رُحَماءُ بَیْنَهُم»
له همدې امله، هر څوک چې په هر مقام کې وی، هر هغه کار چې د مسلمانانو ترمنځ د تفرقې لامل شی او په اسلامی ټولنه کې شخړه رامنځته کړی، که په پوهه وی یا ناپوهۍ، او که په قصد وی یا بېقصده، د اسلام د دښمنانو موخه یې پوره کړې ده.
او په دې زمانه کې څنګه څوک کولی شی داسې عمل خپلې ناپوهۍ او غفلت ته منسوب کړی، په داسې حال کې چې د نړۍ طاغوتانو، په سر کې یې جنایتکارې امریکا، د خپلو استعماری موخو، استکباری او سلطهغوښتونکو پلانونو بدرنګه څېره له خپلو فریبکارو او تشو نقابونو څخه بربنډه کړې، دوکهورکوونکی مخملی دستکشې یې ایستلې او خپلې وینېلړلې پنجې یې ټولې نړۍ ته ښودلې دی؟
اوس وخت دی چې مسلمانان فکر وکړی او پېښو ته لا په دقت وګوری.
ایا که مسلمانانو یو موټی لاس درلودای او خپله مټه یې په ټینګه سره تړلې وای، د فلسطین ملت به په دې توګه بېدفاع پاتې شوی او د اشغالګرو له ظلم او جنایت سره به مخ شوی وای؟
او ایا که د خلیج فارس په څنډو کې مېشتو ملتونو او حکومتونو خپل وحدت د اسلام تر بیرغ لاندې ټینګ کړی وای، بېهویته او فاسدو رذیلانو به جرئت پیدا کړی وای چې له زرګونو کیلومتره لرې څخه د هغوی پر خاورو او شتمنیو سترګې ولګوی؟
د اسلامی هېوادونو، په ځانګړې توګه د لوېدیځې اسیا او د فارس خلیج د څنډو د هېوادونو واکمنانو ته زما ټینګه او بیا بیا شوې سپارښتنه دا ده چې خپل اصلی دښمن وپېژنئ، د هغه په پلان پوه شئ او ورسره مقابله وکړئ.
د اسلامی امت د ستونزو درملنه د کلمې یووالی، دوستی او د خیر او نېکۍ په لاره کې همکاری ده.
د امریکا جنایتکار واکمنان او د صهیونیستانو جعلی نظام د دې یووالی او دوستۍ قسم خوړلی دښمنان دی.
هغوی یوازې د اسلامی جمهوریت، د ایران د ملت او د اسلامی مقاومت د سترې جبهې دښمنان نه دی؛ بلکې له ټول اسلامی امت، په ځانګړې توګه د لوېدیځې اسیا او شمالی افریقا له ملتونو سره هم دښمنی لری، او په دې برخه کې حتی د دغو هېوادونو واکمنان چې ډېری یې د هغوی همکاران ګڼل کېږی، هم ترې مستثنا نه دی؛ لکه څنګه چې د اسلامی هېوادونو د ځینو مشرانو په اړه د استکبار د مشرانو ښکاره بېاحترامی او ناوړه الفاظ کارول ستاسو او زموږ په نږدې حافظه کې شته.
د یووالی او له شخړې څخه د ډډې کولو مهم درس، له دښمن او دوست سره د چلند په اړه د اسلام د مکتب لومړی درس دی.
خو دویم درس یې د کفر پر وړاندې د یو بل دفاع کول دی، او درېیم درس یې د مسلمانانو د مادی او معنوی ژوند په بېلابېلو برخو، لکه شتمنۍ، امنیت، علم او پرمختګ کې د هر ډول همکاریو او ګډو هڅو ترسره کول دی؛ چې د دې لارې پایله نوی اسلامی تمدن ته رسېدل دی.
له همدې امله، د مسلمانانو ترمنځ وحدت د عزتمند او برلاسی اسلامی تمدن ته د رسېدو اساسی بنسټ دی.
دا مفهومی او فکری ټولګه چې د اسلامی نړۍ لپاره زموږ هیله پکې نغښتې ده، تر یوه د پام وړ بریده په ګران ایران کې عملی بڼه خپله کړې ده.
او یو ځل بیا مې د دې ملت ټولو وګړو ته سپارښتنه دا ده چې هېڅ ډول اختلاف ته په هېڅ وجه اجازه ورنه کړی چې د دوی ترمنځ راڅرګند شی.
په پای کې هیله لرم چې د ګران رسول او د هغه د پاکې کورنۍ علیهمالسلام د شفاعتونو په برکت، د الهی لطف سیوری چې له رحمت او برکت څخه ډک دی، پر اسلامی ټولنو خپور شی او هغوی دې هره ورځ د الهی فرمانونو د عملی کولو په سیوری کې د پرمختګ او عزت زینې لا ډېرې پورته کړی.
والسلام علیکم ورحمة الله وبرکاته
سیدمجتبی حسینی خامنهای
8/ د وږې/1405
دیدگاه شما درباره این خبر چیست؟
دیدگاه خود را محترمانه و روشن با دیگران به اشتراک بگذارید.
نظرات مخاطبان
0 دیدگاههنوز دیدگاهی ثبت نشده؛ شما آغازکننده گفتوگو باشید.