هغه چی د مکې پرده یې اپستین ته ډالۍ کړې، مکه په نښه کوی

د یمن د عالی سیاسی شورا رئیس مهدی المشاط ټینګار وکړ چې د مکې د هدف ګرځولو په اړه د سعودی رژیم بې‌بنسټه ادعاوې د هغو ولسونو د لمسولو لپاره یوه ناهیلی هڅه ده چې پوهاوی یې دې کچې ته رسېدلی چې د دغه رژیم په حقیقت پوهېږی؛ هغه رژیم چې د اسلامی امت له شتمنیو په استفاده سره یې د مکې، قرآن کریم او حرمینو شریفینو سپکاوی کړی دی.

مهدی المشاط څرګنده کړه چې د یمن خلک د اسلامی مقدساتو په وړاندې له تر ټولو مؤمنو او وفادارو خلکو څخه دی او چمتو دی چې د خدای د کور د دفاع لپاره قربانی ورکړی؛ لکه څنګه چې د الاقصی جومات، درېیم حرم شریف، د ملاتړ لپاره اسرائیل رژیم سره جګړې ته داخل شول.

هغه ټینګار وکړ: دا دروغ نور د عربو او مسلمانانو له ملتونو پټ نه دی؛ لکه څنګه چې تر دې مخکې د نړیوالې سمندری کښتۍ‌چلونې د ګواښ په اړه ادعاوو هم ونه شو کولای هغوی وغولوی.

د یمن د بهرنیو چارو د وزیر مرستیال «عبدالواحد ابو راس» هم له صنعا څخه د مکې د هدف ګرځولو په اړه د سعودی ادعاوې رد کړې او ویې ویل: هغه کسان چې د مکې پرده یې جنایتکار اپسټین ته ډالۍ کړه، حرمین شریفین یې د فسق، فجور او تفریحاتو پر مخ پرانیستل او صهیونیستو یهودیانو ته یې د حضور اجازه ورکړه، هماغه کسان دی چې په حقیقت کې مکه او اسلامی مقدس ځایونه په نښه کوی.

تر دې وړاندې د یمن د انصارالله غورځنګ د سیاسی دفتر غړی «حزام الاسد» هم په یوه پیغام کې ټینګار کړی و چې له یمن څخه د مکې مکرمه د هدف ګرځولو د ګواښ ادعا یو دروغ دی چې لا له وړاندې یې خپل کارندوالې د لاسه ورکړی د تکرار  څخه بې‌خونده شوې ده.