په ایران کې د ځینو افغان اتباعو معافیت له ثنا کوډ، بیمې او مسکن څخه

د دې بخشنامې له مخې، د آمایش او موقت کارت لرونکی چې د مخکینۍ اعتبار نېټه یې د 1404 کال د سنبلې 31 وه، په ځینو مواردو کې د ثنا کوډ له وړاندې کولو معاف دی. معلولین او هغه زاړه کسان چې د دې کوډ د ترلاسه کولو امکان نه لری، د اړوندو مراجعو په تایید سره، د هغې د وړاندې کولو اړتیا نه لری.

هغه ښځې چې د کورنۍ سرپرستې دی او د 18 کلونو څخه پورته زوی نلری، او د روغتیا بیمې د تادیه کولو توان نه لری، د ولایت د اتباعو ادارې په معرفی کولو سره، د دې معافیت تر پوښښ لاندې راځی. همدارنګه، که د کورنۍ سرپرست د ټولنیز تأمین بیمې لاندې وی، د هغه د بیمې کوډ وړاندې کول د کورنۍ نورو غړو لپاره کافی دی، او هغه نوی زیږیدلی ماشومان چې لا تر اوسه نوی کارت نه دی اخیستی، د روغتیا بیمې له کوډ څخه معاف دی.

د مسکن په برخه کې، هغه کورنۍ چې یو یا دوه کسیزه دی او د بلې کورنۍ سره ژوند کوی، ځینې هغه کارګران چې د کار په ځای کې اوسی، باغبانان، سرایداران، ساتونکی او د جوماتونو خادمان، د معتبر تصدیقنامه په وړاندې کولو سره کولای شی پرته له د مسکن د تعقیب کوډ اقدام وکړی. د پوستی کوډ نشتوالی، د کرایه ورکوونکی مړینه او ځینې قولنامه‌یی قراردادونه هم د اعلان شوو معافیتونو له مواردو څخه دی.

د څلورم ډول موقت کارت لرونکی هم د ثنا کوډ، بیمې او د مسکن د ثبت له وړاندې کولو معاف دی او باید خپل کارت په حضوری ډول د کفالت له دفتر څخه ترلاسه کړی.

د ایران د کورنیو چارو وزارت نوې بخشنامه د آمایش او موقت کارت لرونکو لپاره؛ په مسکن، ثنا او بیمې د درې‌ګونو کوډونو په وړاندې کولو کې ډېره اسانتیا

1. د آمایش او موقت کارت پاتې‌شوی؛

هغه کسان چې د آمایش یا موقت کارت وروستۍ د اعتبار نېټه یې د 1404 کال د شهریور 31 وه او سږکال د طرحې د اجرا لپاره مراجعه کوی، د ثنا کوډ د ترلاسه کولو اړتیا نه لری.

2. معلولین او زاړه کسان؛

هغه معلولین او زاړه کسان چې د ثنا کوډ د ترلاسه کولو امکان نه لری، د خدماتو د دفتر او د اتباعو د عمومی ادارې په تایید سره، د ثنا کوډ اړتیا نه لری.

3. د کورنۍ سرپرستې ښځې؛

هغه ښځې چې د کورنۍ سرپرستې دی او د 18 کلونو څخه پورته نارینه ماشوم نلری، او د روغتیا بیمې د لګښت د تادیه کولو توان نه لری، د دوی لیست باید د ولایت د اتباعو ادارې له خوا د کورنیو چارو وزارت ته واستول شی.

4. د کورنۍ سرپرست د ټولنیز تأمین بیمه؛

په ځینو کورنیو کې چې سرپرست د ټولنیز تأمین بیمې تر پوښښ لاندې دی او نور غړی په سیسټمی ډول د روغتیا بیمې د ثبت امکان نه لری، یوازې د سږکال لپاره د سرپرست د ټولنیز تأمین د بیمې کوډ وړاندې کول کافی دی او د کورنۍ نورو غړو ته د روغتیا بیمې اړتیا نشته.

5. نوی زیږیدلی ماشومان؛

هغه ماشومان چې سږکال زیږیدلی دی او لا تر اوسه نوی کارت د دوی لپاره نه دی صادر شوی، یوازې د سږکال لپاره د روغتیا بیمې کوډ ته اړتیا نه لری.

6. یو یا دوه کسیزې کورنۍ چې د بلې کورنۍ سره مشترک دی؛

که یوه یو یا دوه کسیزه کورنۍ په یوه مشترکه کور کې د بلې کورنۍ سره ژوند کوی، یوه کورنۍ د مسکن د تعقیب کوډ ترلاسه کړی وی او بله کورنۍ کولای شی هماغه د تعقیب کوډ په سامانه کې تکرار کړی.

7. په تولیدی، صنعتی او کرنیزو واحدونو کې اوسیدل؛

هغه اتباع چې په تولیدی، صنعتی یا کرنیزو واحدونو کې اوسی او د مسکن د تعقیب کوډ د ترلاسه کولو امکان نه لری، د کارفرما د تصدیقنامې په وړاندې کولو سره چې په محل کې د اوسیدو ښکارندوی کوی، د مسکن د تعقیب کوډ د وړاندې کولو اړتیا نه لری.

8. د باغبان، سرایدار او ساتونکی اوسیدل په غیرمسکونی واحدونو کې؛

هغه کسان چې د باغبان، سرایدار یا ساتونکی په توګه په غیرمسکونی واحدونو کې اوسی، د مالک د تصدیقنامې په وړاندې کولو سره چې د دوی د اوسیدو ښکارندوی کوی، د مسکن د تعقیب کوډ ته اړتیا نه لری.

9. د جومات او موقوفې خادمانو اوسیدل؛

هغه اتباع چې د جومات یا موقوفې د خادم په توګه په غیرمسکونی واحدونو کې اوسی، د جومات یا موقوفې د امنایې هیئت د تصدیقنامې په وړاندې کولو سره، د مسکن د تعقیب کوډ ته اړتیا نه لری.

10. په حاشیه‌یی سیمو او ځینو کلیو کې د پوستی کوډ نشتوالی؛

که د پوستی کوډ د نشتوالی له امله په خودنویس سامانه کې د کرایې د محل د ثبت امکان نه وی، د اوسیدو د اسلامی شورا د تصدیقنامې په وړاندې کولو سره، د مسکن د تعقیب کوډ د وړاندې کولو اړتیا نشته.

11. د کرایه ورکوونکی مړینه؛

که د کرایه ورکوونکی د مړینې له امله په خودنویس سامانه کې د کرایې د ثبت امکان نه وی، د مړینې د تصدیقنامې په وړاندې کولو سره، د مسکن د تعقیب کوډ ته اړتیا نه وی.

12. د قولنامې په ډول پیرود او د مسکونی واحد کرایه بهرنی تبعه ته؛

هغه بهرنی اتباع چې مسکونی واحد یې د قولنامې په ډول پیرودلی او بهرنی تبعه ته یې کرایه ورکړې، کولای شی د مالک او کرایه‌دار ترمنځ د وروستی منعقد شوی قولنامې په وړاندې کولو او په سامانه کې د هغې د سکن کولو سره، پرته له د مسکن د تعقیب کوډ اقدام وکړی.

13. د 4 موقت کارت لرونکی؛

هغه اتباع چې د 4 موقت کارت لری:
د ثنا کوډ ته اړتیا نه لری.
بیمې ته اړتیا نه لری.
د مسکن د ثبت ته اړتیا نه لری.
د 4 موقت کارت د پست له لارې نه لیږل کیږی او باید په حضوری ډول د کفالت له دفتر څخه ترلاسه شی.