سپنتا او جلیلی پر سرحدی او اقتصادی مسلو خبرې وکړې

د افغانستان او ایران د ملی امنیت د شوراګانو سلاکارانو پرون په کابل کې پر سرحدی او اقتصادی مسایلو خبرې وکړې. له ارګ څخه د یوې خپرې شوې خبرپاڼې له مخې دواړو خواوو د سیمې د هیوادونو ترمنځ پر اوږدمهالو همکاریو خبرې وکړې او تاکید یې وکاوه چې د افغانستان او ایران د خلکو ترمنځ باید اقتصادی او کلتوری اړیکې پیاوړې شی. د رنګین دادفر سپنتا او سعید جلیلی په کتنه کې د دوو هیوادونو د ملی امنیت د شوراګانو مرستیالانو ته دنده وسپارل شوه چې د دوو هیوادونو د امنیتی او اقتصادی اړیکو پر راتلونکی خبرې وکړی. د ایران د ملی امنیت سلاکار د افغانستان ترسفر مخکې په نوی ډیلی کې له هندی چارواکو سره په کتنه کې د افغانستان د سولې پر پروسې خبرې کړې وې.