د بې پیلوټه امریکایی الوتکې برید کې اته تنه ووژل شول

ځایی چارواکی وایی، پر شمالی وزیریستان د امریکایی بې پیلوټه الوتکې برید کې اته تنه ووژل شول. د چارواکیو په وینا، تېره شپه په اتو بجو د میرانشاه اړونده سیمه کې پر یوه کور درې توغندی توغول شوی، چې له امله یې دغه کور په بشپړه توګه له منځه تللى. په میرانشاه کې یوه دولتی چارواکی، چې نه یې غوښتل نوم یې نشر شی، رسنیو ته وویل، چې په دې برید کې اته تنه وژل شوی دی. د سرچینې د معلوماتو له مخې، برید د یوه ځایی قبایلی پر کور شوى، خو تراوسه دا نه ده څرګنده، چې وژل شوی کسان ولسی خلک دی که وسله وال.