زابل : د 13 طالبانو د نیولو خبر ورکړل سو

په زابل کې دبیلابیلوعملیاتو پرمهال 13 وسلوال طالبان نیول سوی دی . دزابل دشاه جوی ولسوالۍ ولسوال عبدالقیوم بینوا ته وویل چی دغه عملیات په شاجوی ولسوالۍ کی دګډو ځواکونو له لوری ترسره سوی چې یاد کسان دیو شمیر جنګی وسلو سره یوځای نیول شوی . ولسوال دغه راز زیاتوی چې دعملیاتو پرمهال په زیاته اندازه چاودیدونکی توکی هم دګډو ځواکونو لاس ته ورغلی دنوموړی په خبره نیول سوی کسان دا مهال ددې ولسوالۍ په امنیه قومندانۍ کې تر پوښتنو او ګرویږونو لاندی .: که څه هم په دی اړه طالبانو څه نه دی ویلی خو طالب ویاند قاری یوسف احمدی وایی چی پرون غرمه طالبانو د زابل ولایت په نوبهار ولسوالى کی د بهرنیو سرتیرو سره جګړه کړی ده چی په ترڅ کی څلور بهرنی سرتیری او یو طالب وژل سوی دی .