دافغانستان په شمال کښې دپاکونې عملیات پیل شوی .

دافغانستان دکورنیو چارو وزارت ویندوی دطالبانو له وجود څخه دشمالی ولایتونو دپاکولو دعملیاتو دپیلیدا خبر ورکړ . دافغانستان د کورنیو چارو وزارت ویندوی زمری بشری پرون په یوه خبری کانفرنس کښې ددغه هیواد په شمالی ولایتونو کښې دپاکونې دپوځی عملیاتو دپیلیدا خبر ورکړ او ویې ویل دغه پوځی عملیات له تخار ولایته شروع شوی او دحکومت دمخالفانو له شتونه دمختلفو سیمو دپاکولو کار په زیات کړی شی . دافغانستان دکورنیو چارو وزارت ویندوی ددغو عملیاتو دپیلولو هدف په شمالی ولایتونو کښې دامنیتی ګواښونو له مینځه وړل وبلل او ویې ویل دافغانستان دشمالی سیمو تر کاملې پاکونې پورې به دغه عملیات دوام ولری . دافغانستان دفاع وزارت هم تیره اونۍ په شمالی ولایتونو کښې دخارجی پوځیانو او افغان ځواکونو دګډو عملیاتو دشروع کیدا خبر ورکړی وو . تخار، بغلان او قندوز ولایتونه دافغانستان په شمال کښې ناامنه ولایتونه دی او هلته دحکومت مخالف کسان پراخ شتون لری. دقندوز ولایت والی هم تیره اونۍ په تخار کښې په یوې بم چاودنې کښې وژل شوی وو.