شرط افغانستان برای ترانزیت کالاهای پاکستان به تاجیکستان

<p style="text-align: justify;">خبرگزاری آزادگان تاجیکستان گزارش داد که اشرف غنی رئیس جمهور در ملاقات با نخست وزیر هندوستان شرط دسترسی پاکستان به بازار تاجیکستان را تسهیل دسترسی هندوستان به افغانستان اعلام کرده بود.<br />  خبرگزاری آزادگان تاجیکستان امروز به نقل از رسانه های هندی نوشته است که ؛ اشرف غنی آشکارا در ملاقات با نخست وزیر هندوستان اظهار داشته است، که برای پاکستان این شرط گذاشته شده است، که برای دسترسی به بازار تاجیکستان باید برای دسترسی هندوستان به افغانستان کمک نماید.<br /> اشرف غنی احمد، رئیس جمهور در سفرش به هندوستان، طی روزهای 27 تا 29 ماه اپریل سال جاری(7 تا 9 ماه ثور) اعلام کرده است، که پاکستان زمانی اجازه ترانزیت کالا به تاجیکستان را پیدا خواهد کرد، که مانع تجارت بین هند و افغانستان نشود.<br /> در دیدار مسئولین افغانستان و هندوستان برای افزایش همکاریها به ویژه در حوزه تجارت و بازرگانی استقبال شده است، اما از آنجا که افغانستان با هندوستان مرز مشترک ندارد و تبادلات تجاری باید از طریق پاکستان انجام شود طرفین خواستار همکاری و مساعدت پاکستان شدند.<br /> خبرگزاری آزادگان نوشته است، این شرط گزاری ها در حالی است، که سالهاست، امضای سازشنامه ترانزیت میان تاجیکستان، افغانستان و پاکستان به تاخیر افتاده است و امضای این سازشنامه می تواند، انتقال آسان و ارزان کالا را از پاکستان به تاجیکستان تامین کند.<br /> پاکستان یکی از تامین کنندگان شکر و گندم تاجیکستان بوده و مقامات اقتصادی تاجیکستان مایلند تا از طریق پاکستان بتوانند به نفت کویت نیز دسترسی داشته باشند.<br /> جمهوری اسلامی افغانستان کشوری محصور در خشکی در آسیای میانه است حدفاصل آسیای میانه، جنوب غربی آسیا و خاورمیانه می باشد. همسایگان افغانستان، پاکستان در جنوب و شرق، ایران در غرب، تاجیکستان و ازبکستان و ترکمنستان در شمال و چین در شمال شرقی هستند.</p>