ستره محکمه د ټاکنو د دوسیو څېړنه کوی

دسترې محکمې چارواکی وایی چې دولسی جرګې دټاکنو اړوندې دوسیې به د دې ارګان له خوا وڅېړل شی. د سترې محکمې د خپرونو رییس عبدالوکیل عمری رسنیو ته وویل،چې ستره محکمه دغه موضوع له قانون سره سمه وڅېړی. دعمری په وینا،ستره محکمه د اساسی قانون د 120مې مادې پربنسټ د ټولو دعواوو او شکایتونو د څېړلو مکلفیت لری . د سترې محکمې د خپرونو رییس زیاته کړه، چې د هېواد قاضی القضات تېره اونۍ له یو شمېر معترضو وکیلانو سره د لیدلو پر مهال، له هغوى سره د ټاکنو د دوسیو د څېړنې او پرېکړې په اړه، ژمنه کړې ده.