کرزی وای له طالبانو سره خبرې اهمیت لری

دافغانستان ولسمشر له طالبانو سره خبرې دهیواد دامنیت لپاره مهمې وبللې . ایرکا خبری اژانس وای دافغانستان ولسمشر کرزی روسیې ته له تلو وړاندې په کابل کښې دانګلستان دپارلمان ددفاعی چارو دکمیسیون له یوه پلاوی سره په کتنې کښې له طالبانو سره خبرې دافغانستان امنیتی ځواکونو ته دامنیت دسپارلو په بهیر اغیزشیندونکی عامل وباله . دافغانستان دولسمشر مطبوعاتی دفتر وویل کرزی په دې کتنې کښې له طالبانو سره سوله او خبرې په افغانستان کښې ددایمی امنیت او ثبات درامینځته کولو لپاره یو مهم ګام وباله او ویې ویل له طالبانو سره خبرې به افغان ځواکونو ته دامنیت دتامین دچارو دسپارلو په بهیر اغیز واچوی .