د مصر اخوان المسلمین ټینګار وکړ،د پوځی لوړې شورا بیانیه ثابتوی چې دغه شورا، له انقلاب ،بریاوو او د یموکراتیک نظام ته په انتقال پابنده ده

د دې غورځنګ یوه مهم مشر محمدړ غانم پرون العالم چینل ته وویل، دغه بیانیه ثابتوی چې د رژیم ځای ناستی نه دی، بلکه په هیواد کې د دیموکراتیک بدلون تر پیله پورې د قدرت دساتلو امانتدار دی. د مصر پوځ پرون په اعلامیې کې ژمنه وکړه، چې د حکومت د سوله ایز انتقال لپاره به نړیوال معیارونه په نظر کې ونیسی څو د ډیموکراسی لپاره لاره هواره شی. عالی شورا وویل، اوسنی حکومت به په سوله ایزه توګه د یوه انتقالی ملکی قدرت تر ټاکلو پورې په خپل ځای وی. خو د وخت په اړه یې څه نه دی ویلی. په عین حال کې د قاهرې د هوایی ډګر چارواکی وایی، چې د اوسنی او پخوانی حکومت د مقاماتو پر سفر بندیز لګیدلی خو یواځې د د پوځې محکمې د اجازه په بڼه کولی شی چې له هیواده واوځی. المحیط خبر ورکوی، چې پرون یو شمېر وسله والو کسانو د قاهرې په ختیځ کې د المرج پر زندان برید کړی او له دغه زندان څخه یې 600 بندیان ایستلی دی. د خبر له مخې د زندان 90 سلنه بندیان تښتېدلی دی. دا دوهم ځل دی چې پر دغه زندان برید کیږی. د برید مسوولیت تراوسه چا پرغاړه نه دی اخیستی او دا هم نه ده څرګنده چې تښتېدلی بندیان څوک دی. نیویارک ټایمز ورځپاڼې ورځپاڼه لیکی، په مصر کې له نژدې دریو اوونیو مظاهرو وروسته د تېرې جمعې په ورځ زرګونه خلک واټونو ته راووتل او له دېرش کاله واکمنۍ وروسته یې د ولسمشر حسنی مبارک د ګوښه کېدو په مناسبت جشنونه جوړ کړل.