دملګروملتودبشری حقوقولوړکمیشنرپه لیبیاکې دعاموخلکو وژله په سخته وغندله

ایرکا خبری اژانس راپورورکړ د ملګرو ملتو د بشری حقوقو لوړ کمیشنر ناوی بیلای نن په جینیوا کې د بشری حقوقو د نړیوالې ادارې په ځانګړی غونډې کې وویل دمعمر قذافی د رژیم له خوا د لبیا د خلکو عامه وژله او شکنجه کول په سخته غندو . هغه زیاته کړه له لبیا د رارسیدلو راپورونو په اساس په دغه هیواد کې تر دې دمه په زرګونو کسان مړه او ژوبل شوی دی چې ډیره د خواشینۍ خبره ده، د لبیا رژیم باید د ولس غوښتنو ته غاړه کیږدی . فرانس پریس آژانس په همدا وروستیو کې راپور ورکړی په الزاویه ښار کې امنیتی مامورانو په خلکو په څاروی ډوله یرغل کې 33 کسان ووژل . همداراز فارس خبری آژانس هم راپو رورکړی چې د لبیا لوئی څارنوال او د قضایه پلټونو مشر هم له خپلو دندو استعفی ورکړی او له ولس سره یو ځای شوی دی . وروستی راپورونه ښئ د لبیا ولسی ځواکونوله طرابلس سره نزدې د الزاویه . زواره او مصرانه ښارونو کنټرول پخپل لاس کې اخستی او د لبیا دوهم ستر ښار بن غازی هم د حکومتی ځواکونو له کنټروله وتلی دی . العالم ټیلیویژنی چینل هم راپو روکړی په مرسی البریقه اوراس الاؤف سیمو کې د تیلو صادرونکی بندرونه هم دانقلابیانو لاس ته ورغلی دی . د فرورۍ له پنځلمسې راهسیې د سیمې د نورو هیوادونو په څیر د لبیا ولس هم د خپل دیکتاتور معمر قذافی په خلاف چې له 42 کلونو زیات ئې په دغه هیواد دیکتاتوری کړې پاڅون کړی چې تر دې دمه پکې په زرګونو کسان مړه او ژوبل شوی دی ان تر دې چې د لبیا دیکتاتوری رژیم په ډیرو ښارونو کې پر عامو خلکو هوائی بمبارۍ هم کړی دی