په مینځنی ختیځ کښې ولسی انقلابونو دامریکا ګټې په خطر کښې اچولی

دیمن سیاستوال په عربی هیوادونو کښې ولسی انقلاب په مینځنی ختیځ کښې دامریکا دګټو په خطر کښې دلویدو سبب وباله . دیمن سیاستوال منی صفوان العالم ټیلی ویژن ته وویل دیمن په شمول په عربو هیوادونو کښې ولسی انقلابونو دامریکا ګټې په خطر کښې اچولی دی ځکه چې امریکا غواړی په مینځنی ختیځ په تیره بیا په یمن کښې دفیصلو په ترسره کولو کښې شتون ولری . منی صفوان دیمن له دیکتاتور علی عبدالله صالح څخه دامریکا په ملاتړونو او ددغه هیواد دحالاتو په وړاندې دامریکا په دوه ګوڼه دریځ نیوکه وکړه او زیاته یې کړه امریکا ادعا کوی چې په یمن کښې دقدرت دانتقال غوښتونکی ده خو په عمل کښې دیمن دخلکو دانقلاب ملاتړ نه بلکې مخالفت کوی . دیمن دغه سیاستوال په عین حال کښې په دغه هیواد کښې دانتقالی شورا د جوړیدا په باره کښې ټینګار وکړ دغه شورا باید دیمن له ټولو ډلو او استازیو جوړه وی . دیمن خلکو دروان میلادی کال دجنورۍ له میاشتې دعلی عبدالله صالح ددرې دیرش کلن حکومت پرضد خپل انقلاب پیل کړی دی او له قید اوشرط پرته دهغه دڅنګ ته کیدا غوښتونکی دی . دیمن په مختلفو سیمو کښې له خلکو سره دعسکرو په جنګونو کښې په سلګونو کسان مړه او په زرګونو نور ژوبل شوی . په یمن کښې سعودی عربستان، امریکا ، انګلستان او ځینې نور عرب او اروپایی هیوادونه لاسوهنې کوی چې دیکتاتور حکومت په قدرت کښې پاتې وساتی.