ناټو وویل مونږ افغانستان نه پریږدو

ناټو وویل مونږ افغانستان نه پریږدو . زمونږ خبریال وایی دناټو عمومی منشی اندرس فوغ راسموسین نن ټینګار وکړ چې دغه موسسه له افغانستانه نه وځی او داپه داسې حال کښې دی چې دناټو دفاع وزیرانو له افغانستانه دامریکا دعسکرو دایستلو دمهمې فیصلې له ترسره کولو وړاندې کتنه وکړه . دناټو مشر وویل دافغانستان حکومتی عسکرو ته دچارو دسپارلو پلان په خپله لاره روان دی چې هدف یې افغان عسکرو ته دجنګ دچارو او تر 2014 میلادی کال پورې دټولو چارو ورسپارل دی. هغه وویل دافغانستان عسکرو ته دچارو سپارل په شرایطو ولاړ دی نه دا چې په کال هینداره او زیاه ډاډمن یم چې مونږ تر 2014 میلادی کال پورې دافغانستان عسکرو ته دامنیتی چارو دسپارلو کار بشپړ کړو . دناټو عمومی منشی وویل ددې خبرې مقصد دانه دی چې مونږ له افغانستانه وځو . دناټو سرمنشی وویل چې په افغانستان کښې زمونږ ژمنه او ماموریت به داوږد مهاله مشارکت پراساس ولاړ وی . دناټومشر دغه خبرې دناټو داتویشتو غړیو او په افغانستان کښې دشلو ګډون کونکو ترمینځ دغونډې دپیلیدا په وخت وکړې . دناټو مشر ټینګار وکړ چې دامریکا لخوا په پاکستان کښې دالقاعده ډلې دمشر اسامه بن لادن وژله به په افغانستان کښې دناټو دژمنې دختمیدا سبب نشی . دافغانستان په اوو سیمو کښې به دچارو کنټرول دافغانستان عسکرو ته ورکړل شی خو دقیقه نیټه یې نه ده معلومه . دغه راز دانګلستان دفاع وزیر ډیویډ کیمرون تیره میاشت وویل چې دغه هیواد به دروان کال په پاې کښې له افغانستانه 450 عسکر وباسی