د پاکستان په کراچۍ ښار کې د امریکا پرضد لاریونونه وشول

د پرس ټی وی خبری چینل د رپوټ له مخې په کراچۍ کې په زرګونو خلکو د امریکا پرضد لاریونونه وکړل او ددې هېواد د تېری ګرۍ او پراختیا غوښتنې پر سیاستونو یې اعتراض وکړ او له واشنګټن څخه یې خپله کرکه په ډاګه کړه. د پاکستان د جمعیت اسلامی ګوند په امریکا کې د پاکستانۍ ډاکټرې عافیه صدیقی دزندانی کېدو د ورځې په مناسبت په کراچۍ کې ددې ګوند پلویانو لاریونونو ته رابللی او په واټونو کې یې پراخ لاریونونه ترسره کړل. عافیه صدیقی د امریکا د اف بی آی مامورینو د ځایی چارواکو په مرسته په 2003 میلادی کال کې په کراچۍ کې ونیول شوه او امریکاته یووړل شوه. د امریکا منتن محکمې عافیه په افغانستان کې د امریکایی افسرانو د وژل کېدو د هڅې په تور په 86 کاله بند محکومه شوې ده.