په ټول هېواد کې د نېکمرغه لوى اختر لمونځ ادا شو

د کابل ښار په ګډون په ټول هېوادکې د نېکمرغه لوى اختر لمونځ په پوره ډاډ او له کومې امنیتی پېښې پرته ادا شو . د کابل ښار اوسېدونکی د کابل د عیدګاه ، پل خشتی ، وزیرمحمد اکبرخان او د ښار په ټولو سیمو کې جوماتونو ته ولاړل او د کوچنی اختر لمونځ یې اداکړ . ولسمشر حامد کرزی ، له یو شمېر جهادی مشرانو، د کابینې او ملی شورا له غړیو سره په ارګ کې د لوى اختر لمونځ ادا کړ. د زیاتره جوماتونو ملاامامانو په خپلو ویناوو کې ددې ورځې د فضلیت او په هېواد کې د تلپاتې سولې په اړه خبرې وکړې . ملا امامانو او عالمانو د اختر له لمانځه څخه وروسته په هېواد کې د سولې او امنیت لپاره دعاوې وکړې. د حاجى على محمد په نامه یوتن پژواک اژانس ته وویل چې اختر یوبل ته د مېنې ورکولو ورځ ده ، سړى ترې په رښتیا له دې مبارکې ورځې خوند اخلی . هغه زیاته کړه : (( خداى دې وکړی چې په هېواد کې سوله راشی او هېوادوال هره ورځ خپل اختر وګرځوی .)) همدرانګه د کندهار ښار په عیدګاه، د هرات په مرکزی جامع جومات، د مزار شریف په روضې جومات، د ننګرهار ولایت د جلال اباد ښار په عید ګاه، بزازۍ ، سپین جومات او نورو لویو جوماتونو کې او د هېواد په نورو برخو کې هم د اختر لمونځونه ادا شول. د کورنیو چارو وزارت د اختر په ورځو کې د ټینګو امنیتی تدابیرو د نیولو خبر ورکړى او تر اوسه د کومې ناوړې پېښې خبر نه دى ورکړل شوى.