په هلمند کې دسرې میاشتې له لوری مرسته وشوه

دهملند ولایت په مرکز لښکرګاه کې نن د 321 اړو کورنیوسره دسرې میاشتې و ریاست له لوری مرسته وشوه. په لښکرګاه کې دسرې میاشتې رییس ډاکتر احمدالله احمدی وایی چې دغه کورنۍ له مارجې ، نادعلی ، باباجی او نوزاد له سیمو څخه دجګړو او بېلابېلو امنیتی ستونزو له امله لښکرګاه ته راکډوال شوی او دلته میشت دی . دده په وینا وړاندی تر دې له یادو کورنیو سره هیڅ ډول مرسته نه ده تر سره شوې او دا لومړى ځل ده چې، دوى ته دسره صلیب دنړیوالی کمېټې لخوا مرسته کیږی. احمدی زیاته کړه چې: یاده مرسته 15 قلمه ده چې خوراکی او غیری خوراکی توکی پکښې شامل دی. دیادونی وړده چی تېره اونۍ هم دکډوالو دریاست لخوا دمارجې له زرګونو کورنیو سره دخوراکی توکو او البسې مرسته تر سره شوې وه .