پاکستان: به افغان های ثروتمند اقامت دائم می دهیم

 تسنیم می نویسد که دولت پاکستان تصمیم گرفته‌ به سرمایه‌گذاران خارجی اقامت دائم بدهد تا بتواند سرمایه‌گذاری‌های هنگفت افغان‌ها، چینی‌ها و سیک‌های ثروتمند امریکایی را جذب کند.

وزیر اطلاعات پاکستان در روز جمعه اعلام کرد: "در راستای سیاست جدید امنیت ملی که هسته‌ امنیت ملی را اقتصاد ژئوپلیتیکی می‌داند، دولت تصمیم گرفته به شهروندان خارجی اقامت دائم بدهد. طبق این سیاست، اقامت دائم خارجی‌ها مستلزم سرمایه‌گذاری آن‌ها در کشور است".

دولت پاکستان عقیده دارد این طرح میلیاردها دالر سرمایه‌گذاری خارجی را وارد کشور خواهد کرد.

پاکستان قصد دارد سرمایه‌گذاری‌های هنگفت افغان‌های ثروتمند را که درحال‌حاضر در کشورهایی مثل ایران، ترکیه و مالزی فعالیت می‌کنند، جذب کنند.