دافغانستان په بیلابیلو سیموکې په دریو جلاجلا بریدونوکې نهه پولیس اویوملکی وګړی وژل شوی دی . دجرمنی خبری سرچینې راپور ورکړ دکندهار ولایت دامنیی قوماندانی ویاند جاوید فیصل پرون وویل یوه موټر بم چاودنه پرون په کندهار ولایت کې دپولیسو په یوه مرکز ترسره شوه چې په پایله کې یې څلور پولیس افسر او یوتن ملکی وګړی ووژل شول . او دغه راز په کندز ولایت اوپه جلال آبادښارکې په دوو نورو بریدونوکې پنځ پولیس وژل شوی دی . په افغانستان کې دناټو ترلسو کلونو دزیات شتون په اوږدوکې نه داچې په افغانستان کې امنیت ښه شوی بلکه ورځ تربلې خراب شوی ددولتی او نړیوالو ځواکونو پرضد دطالبانو اونورو وسله والو مخالفینو بریدونه لازیات شوی دی .