ملی سوداګر پر دولت نیوکه کوی، چې دوى ته یې د سوداګرۍ زمینه نه ده برابره کړې او ورځ تربلې پرې مالیات پورته کوی. دوى د دولتی ادارو ترمنځ د همغږى د نه شتون او په لارو کې ترې د محصول په نامه د اخیستل کېدونکو پیسو هم سرټکاوه، چې په وینا یې، له همدې کبله نرخونه هم پورته کیږی او قربانی یې د افغانستان ملت کیږی. د سوداګرو د معلوماتو له مخې خصوصی سکتور تېر کال نږدې 68 میلیارده افغانۍ مالیه او محصول ورکړى و، خو سږ کال ترې د 80 میلیاردو په شاوخوا کې مالیات او محصول اخلی. د اقتصادی چارو د کارپوهانو په نظر سوداګر د ازاد بازار په نامه په خپلو توکو باندې نرخونه ږدی او دولت کومه پاملرنه نه ورته کوی.