شیخ رشیداحمد، وزیر داخلۀ پاکستان در یک نشست خبری در اسلام‌آباد گفته است که در یک سال گذشته 182 هزار شهروند افغانستان به پاکستان آمده اند.

به گفتۀ وی، از این‌ میان 12 هزار شهروند افغانستان از راه پاکستان به کشورهای دیگر رفته‌ و حدود 50 هزار شهروند دیگر نیز از سوی کمیسیاریای عالی پناهنده‌گان سازمان ملل متحد (UNHCR) به کشورهای دیگر درخواست پناهنده‌‌گی داده‌اند.

با روی‌کارآمدن طالبان در پانزدهم اگست سال 2021 میلادی، هزاران شهروند افغانستان به کشورهای مختلف پناهنده شده‌اند.