د سي ان ان د راپور له مخې شري رحمان خبریالانو ته وویل امریکا په سلاله پوستو په برید سره ۲۴ پاکستاني فوځيان ووژل او د پاکستان د خلکو احساسات ېې داغي کړل نو امریکا دې احساساتو ته په درناوي سره باید له پاکستان بښنه وغواړي . میرمن رحمان ټينګار وکړ چې پاکستان تل د القاعدې او طالبانو په وړاندې په کلکه مبارزه کړې او طالبانو د ملاتړ تورونه د دوی پر ضد تبلیغات دي . هغې د افغانستان او پاکستان پولې ډيرې پراخې او نه کنترولیدونکې وبللې چې طالبان ترې تګ راتګ کولای شي خو دا ېې رد کړه چې د پاکستان دولت د پولو ساتلو ته پاملرنه نه کو ي. دا په داسې حال کې ده چې پرون هم د پاکستان له خاورې د کنړ په دانګام سیمه په لسګونو توغندي وویشتل شول چې له امله ېې یو افغان ماشوم ووژل شوا او ۴ نور ټپیان شول . تیر کال هم پاکستان د افغانستان ختیځې سیمې دسلګونو توغندیو تر بریدونو لاندې نیولې وې چې ګڼو خلکو ته ېې مرګ ژوبله هم اړولې وه