چینایی چارواکی وایی، په دغه هېواد په شمال لوېدیځ ګانسو ولایت کې له سختو بارانونو وروسته کې ځمکه ښویېدلې، چې لږترلږه 127تنه یې وژلی او تر 2000 زیات هغه ورک دی. د ریپوټونو له مخې، په ځمک ښوېدنه کې د ګانسو ایالت اړوند د تبت سیمه، ډېره زیانمنه شوې. ویل کېږی، په دغه ولایت کې د بارانونو له کبله ګڼ کورونه وران شوی او سیمه اوبو لاندې کړې او لاره بنده ده. د چینایی رسنیو د معلوماتو له مخې، سرتیری د پېښې ته رسېدلی، چې تړل شوې لاره پرانیزی. دغه راز په سیمه کې د نادرکه شویو کسانو لټون هم روان دى. په روان کال کې نږدې 1400 تنه د یاد هېواد په مرکزی اوجنوبی سیمو کې د سېلابونو له کبله مړه او زرګونه نور سخت اغېزمن شوی.