ځایی پولیسو ویلی، چې نامعلومو وسله والو پېښور ته نږدې په یوه ورکشاپ کې ولاړو لسو ټانکرونو ته اور ورته کړى او خپله په تېښته بریالی شوی دی. دغو ټانکرونو افغانستان ته د ناټو ځواکونو لپاره تېل لېږدول. د پولیسو په وینا، د بریدګرو شمېره 6 تنه وو، خو عینی شاهدانو رسنیو ته د دغو بریدوګرو شمېره تر 20 زیاته ښوولې. د یادونې وړ ده، چې تر دې وړاندې هم وسله والو طالبانو په پاکستان کې ناټو ځواکونو ته پر تېل وړونکو ټانکرونو او نورو اکمالاتی موټرونو بریدونه کړی، چې له کبله یې لسګونه موټرې سوځېدلې وې.