نیروهای پولیس در شمال کشور شماری از زندانیان تاجیک را که از زندانی در تاجیکستان گریخته بودند، دستگیر نمودند. زمری بشری سخنگوی وزارت داخله گفت که این زندانیان چندی پیش از بازداشتگاهی در تاجیکستان فرار کرده و در شمال افغانستان یک جا با شماری از افغان هایی که در تاجیکستان زندانی بودند، پناه گرفتند. سخنگوی وزارت داخله گفت که عملیات برای بازداشت این افراد در ولسوالی درقد ولایت تخار صورت گرفت. مقامات وزارت داخله می گویند که شماری از زندانیان بازداشت شده، مجرمان مشهوری اند که توسط نیروهای تاجیکی بازداشت شده بودند.