جمهور رئیس کرزی نن له غرمې مخکې د کابینې له یو شمېر وزیرانو سره یوځاى د نیمروز ولایت مرکز زرنج ته سفر وکړ. د نیمرو چارواکی وایی، جمهور رئیس کرزى به د خپل نننی سفر په لړ کې د نوموړی ولایت له ځایی چارواکو، قومی مشرانو او د ولایتی شورا له غړو سره له نږدې ووینی. د نیمروز ولایت د امنیه قوماندانۍ د امنیت آمر حاجی موسى رسولی کلید ته وویل، د نن سهار راهیسی یې د نیمروز په مرکز او ټولو ولسوالیو کې کلک امنیتی تدابیر نیولی دی. د نیمروز ولایت د امنیتی او اقتصادی لحاظه ځانگړى اهمیت لری.