دتازه معلوماتوله مخې دلیبیا انتقالی حکومت رسنیو ته ویلی ،چې دقذافی مړى به دنوموړی دکورنۍ غړو ته وسپارل شی . . اوس مهال دنوموړی مړى دمصراته په ښار کې په یوه سړه خونه کې اېښودل شوى دى ،چې اوس یې دخراب والی له امله بوى هم کړى دى . ویل کېدل ،چې پوهان به دنوموړی دبدن معاینه هم کوی ،چې نوموړى څه ډول وژل شوى دى ،خو په مصراته کې پوځی مشرانو ویلی دی ،چې دقذافی دمعاینې اجازه هیچاته نه ورکول کېږی . دملګرو ملتونو دبشری خواخوږۍ ډلې ویلی وو،چې دقذافی دمړینې تفتیش دې وشی ،ځکه چې دا خبرې هغه وخت مخکې راغلې ،چې دنوموړی په اړه وویل شول ،چې نوموړل ژوندى نیول شوى و او وروسته ووژل شو. دقذافی دیوه زوى سیف الاسلام په اړه ویل شوی دی ،چې نوموړى دپلار له وژنې وروسته په تېښته بریالى شوى دى ،خو دلیپیا یو شمېر چارواکو ویلی دی ،چې نوموړى یې په زخمی حالت کې نیولى دى او له دوى سره دى . دلیبیا دانتقالی دورې وزیر اعظم ویلی دی ،چې دقذافی مړینه دمختلفو ډلګیو له خوا په مرمیو ویشتل شوى دى ،نوموړی دا هم ویلی دی ،چې داجوته نده ،چې نوموړى زموږ له خوا ویشتل شوى دى او که دخپلو وفادارو پوځیانو له خوا .