امام‌علی رحمان، رییس‌جمهور تاجیکستان روز گذشته در نشست مجازی کشورهای عضو «سازمان پیمان امنیت جمعی» پیشنهاد کرده است که «یک کمربند امنیتی در اطراف افغانستان» ایجاد شود.

خبرگزاری تاس روسیه گزارش داده که، آقای رحمان در صحبت تلفنی با ولادیمیر پوتین، رییس‌جمهور روسیه نیز در مورد امنیت در مرزهای این کشور با افغانستان صحبت کرده است.

رییس‌جمهور تاجیکستان در این نشست گفته است: «به طور کلی، براساس استخبارات تاجیکستان، بیش از 40 کمپ و مرکز آموزش تروریست‌ها در ولایت‌های شمال شرقی افغانستان وجود دارد که بیش از 6000 شبه نظامی را جای داده است.»

آقای رحمان افزوده که وضعیت در مرز تاجیکستان و افغانستان هر روز پیچیده‌تر می‌شود؛ درگیری‌ها درست در امتداد مرز با تاجیکستان اتفاق می‌افتند.

به گفته‌ی او، در هفته گذشته، در جایی در نزدیکی مرز دست‌کم 11 نیروی طالبان کشته و 18 نفر زخمی شدند.