- شنبه, 08 میزان 1402|08:34
- 0 نظر
ضمیر کابلوف: همه به جز تاجیکستان اعلامیه کازان را امضا کردند
ضمیر کابلوف، فرستاده ویژه رئیس جمهور پوتین برای افغانستان، پس از پایان نشست فارمت مسکو اعلام کرد که نماینده تاجیکستان به چند بخشی از بیانیه پایانی نشست مخالفت کرده است.
ضمیر کابلوف، فرستاده ویژه رئیس‌جمهور پوتین برای افغانستان، پس از پایان نشست فارمت مسکو اعلام کرد که نماینده تاجیکستان به چند بخشی از بیانیه پایانی نشست مخالفت کرده است.
فرستاده ویژه روسیه گفته است: «بیانیه تقریباً توسط همه به جز تاجیکستان تایید شد؛ اما شرکای تاجیک بر برخی نکات این بیانیه اعتراض دارند.»
به گزارش خبرگزاری تاس روسیه روز (جمعه، 7 میزان) آقای کابلوف این موضوع را در پایان پنجمین نشست فارمت مسکو در باره افغانسان بیان کرد.
تاکنون بیانیه پایانی این نشست منتشر نشده و مشخص نیست که نماینده تاجیکستان با چه بندهای از این بیانیه مخالفت کرده است.
شرف رحیمی، رئیس بخش مطالعات استراتژیک وزارت خارجه تاجیکستان، امروز (جمعه، 7 میزان) در نشست فارمت مسکو گفت که وضعیت افغانستان بحرانی است و مردم گرفتار فقر شدید شده‌اند.
نام‌برده هم‌چنین افزود که گروه‌های تروریستی در افغانستان افزایش یافته و جوانان این کشور تلاش دارند به گروه‌های تروریستی بپیوندند.
نماینده تاجیکستان در ادامه گفت که رسیده‌گی به مشکل‌های جدی حقوق بشری و وضعیت بد اقتصادی و تشکیل حکومت فراگیر در افغانستان خواست همه کشورهای همسایه است.
شرف رحیمی در نشست تصریح کرد که کشورش با افغانستان 400 کیلومتر مرز مشترک دارد و همه کشورهای کمک‌کننده می‌توانند از مرزهای تاجیکستان استفاده کنند.
این در حالی‌ست که نشست فارمت مسکو، با حضور ده نماینده‌گان رسمی و چهار عضو امروز به پایان رسید، که نماینده‌گان کشورها خواستار تشکیل حکومت فراگیر در افغانستان شدند.