ولسمشر حامد کرزی د ایران له زلزله ځپلو سره غمشریکی وښودله

د راپورونو له مخې تیره ورځ د ایران په شمال لویدیځ کې د دو زلزلو له کبله څه باندې دوه نیم سوه کسان ووژل شول او شااوخوا دوه زره نور ټپیان شول. افغان ولسمشر حامد کرزی د ایران له زلزله ځپلو خلکو سره غمشریکی وښودله او د اوښتې مرګ ژوبلې په اړه یې ژور خفګان څرګند کړ. د راپورونو له مخې تیره ورځ د ایران په شمال لویدیځ کې د دو زلزلو له کبله څه باندې دوه نیم سوه کسان ووژل شول او شااوخوا دوه زره نور ټپیان شول. د جمهوری ریاست د ارګ ماڼۍ په یوې خبرپاڼې کې ویلی، چې جمهور رییس د قربانیانو له کورنیو او د ایران له جمهور رییس محمود احمدی نژاد سره د خپلې خواشینۍ مراتب شریکوی.