اخراج مهاجران افغان از پاکستان واکنش برانگیز شده است

پاکستان روند اخراج اجباری مهاجرین افغان را از این کشور از سرگرفته که موجب واکنش حکومت طالبان و نهادهای حقوق بشری گردیده و این امر نقض آشکار حقوق بشر بویژه حقوق مهاجرین و کنوانسیون حق پناهندگی گردیده است.

مولوی سید عبدالجبار تخاری، سرکنسول حکومت طالبان در شهر کراچی می‌گوید، روند اخراج اجباری مهاجران افغان از پاکستان، از اول ماه اپریل از سر گرفته شده و هم‌چنان جریان دارد.

به تازگی کارشناسان سازمان ملل و نهادهای حقوق بشری از پاکستان خواسته اند که روند اخراج اجباری مهاجران افغان از این کشور را فوراً متوقف کند.

کارشناسان سازمان ملل در بیانیه‌ای اخراج اجباری مهاجران افغان از پاکستان را خلاف قوانین بین‌المللی مهاجرت و حقوق بشری خوانده و تأکید کرده اند که پاکستان باید به نقش خود به‌عنوان یک کشور همسایه در پذیرش مهاجران افغان ادامه دهد.