د راپورونو له مخې، د امریکا ولسمشر ډونالډ ترمپ اعلان کړی چې د ده مرستیال جیډی ونس په پاکستان کې له ایران سره په دویم پړاو خبرو کې د امنیتی اندېښنو له امله ګډون نه کوی.
د الجزیرې د راپور له مخې، ټرمپ رسنیو ته ویلی چې جیډی ونس د امنیتی اندېښنو له امله په دغو مذاکراتو کې ګډون نه کوی.
هغه زیاته کړې: «دا یوازې د امنیت له امله دی، جیډی ډېر ښه دی.»
له دې مخکې د ملګرو ملتونو په چارو کې د امریکا دایمی استازی مایک والټز او د دغه هېواد د انرژۍ وزیر کریس رایټ ویلی وو چې جیډی ونس به د اسلاماباد د دغه پړاو مذاکراتو مشری هم وکړی.
په همدې حال کې، رویترز راپور ورکړی چې د پاکستان په پلازمېنه اسلاماباد کې سخت امنیتی تدابیر نیول شوی دی.
دا په داسې حال کې ده چې پرون ډونالډ ترمپ ویلی وو، د امریکا یو پلاوی له ایران سره د خبرو لپاره اسلاماباد ته استول شوی، خو تهران وایی، تر هغه چې سمندری محاصره پای ته ونه رسېږی، هیڅ مذاکرهکوونکی پلاوی به ونه لېږی.
دیدگاه شما درباره این خبر چیست؟
دیدگاه خود را محترمانه و روشن با دیگران به اشتراک بگذارید.
نظرات مخاطبان
0 دیدگاههنوز دیدگاهی ثبت نشده؛ شما آغازکننده گفتوگو باشید.