ناټو، په کونړ کې د 23 وسله والو د وژلو ادعا کړې

ایتلافی ځواکونو په کونړ کې د تصفیوی عملیاتو په ترڅ کې د 23 وسلوال مخالفینو د وژل کېدو او پنځو نورو د نیولو خبر ورکړ. په ختیزو ولایتونو کې د ایتلافی ځواکونو مطبوعاتی دفتر په خپره شوې خبرپاڼه کې لیکلی، چې پرون سهار یې دپیچ په دره کې د افغان ځواکونو سره په ګډه عملیات پیل کړل. خبرپاڼه راغلی، چې په دې عملیاتو کې 23 وسله وال مخالفین وژل شوی او پنځه نور یې ژوندی نیولی دی. خبرپاڼه زیاتوی، چې د عملیاتو په ترځ کې یې د وسله والو مخالفینو څخه یوه اندازه چاودنکې توکی، لاسی بمونه او دبم جوړولو وسایل هم نیول شوی دی. ځایی چارواکو او وسله والو مخالفیو تراوسه په دې اړه څه نه دی ویلی.