کنړ کې د دولت 28 مخالف وسله والو ته مرګ ژوبله اوښتې

دکنړ ولایت د چپې درې په ولسوالۍ کې د نړیوال او افغان ځواکونوپه ګډعملیاتو کې 23 تنه ددولت وسله وال مخالفین وژل شوی او پنځه تنه نور ټپیان شوی دی. په ننګرهار ولایت کې د نړیوالو ځواکونود مطبوعاتی دفتر په خپره شوې خبرپاڼه کې راغلی ، په هغو عملیاتو کې چې تیره شپه د کنړ ولایت د چپې درې په ولسوالۍ کې وشوه 23 تنه ددولت وسله وال مخالفین وژل شوی. خبرپانه زیاتوی چې په یاد عملیات کې پنځه تنه وسله وال ټپی شوی هم دی. د یاد شوې مطبوعاتی دفتر یو افغان کارکوونکی چې د نوم له ښودلو څخه ډډه کوی وویل: «په هغه عملیاتو کې چې تیره شپه د کنړ ولایت د چپې درې په ولسوالۍ کې وشوه ، افغان او نړیوال ځوا کونو ته کوم زیان ندی اوښتی.» هغه زیاته کړه چې ،د عملیات پر مهال د بهرنیو ځواکونو یوه چورلکه د تخنیکی ستونزې له کبله بیړنی ناستې ته اړ شوې ، چې له څه مودې وروسته بیرته خپلې هډې ته را ستنه شوه . نوموړی د عملیاتو پرمهال د دولت د وسله وال مخالفینود یو زیرمه تون د موندنې خبره هم وکړه . هغه زیاتوی چې ،په دې زیرمه تون کې ډول ډول چاودیدونکی توکی او د سپکو او درنې وسلو مرمۍ د ګډو ځواکونو لاسته ورغلی دی. وسله والو طالبانو تر اوسه پورې په دې اړه رسنیو ته څه نه دی ویلی. کوم کس چې ځان زبیر صدیقی د دولت مخالف وسله وال حزب اسلامی ویاند بولی رسنیو ته ویلی چې ، دوی په کنړ کې د بهرنیو ځواکونو یوه چورلکه غورځولې ده خو د مرګ ژوبلې په اړه پوره معلومات نلری. دا په داسې حال کې ده چې ، تیره ورځ په یو ګډ فوځی عملیاتو کې 6 تنه د دولت مخالف وسله وال د شیګل په ولسوالۍ کې ووژل شول.