طالبان وایی پینځه امریکایی عسکر یې وژلی دی

د طالبان ویندویی ذبیح الله مجاهد مونږ ته وویل طالبانو نن په ځایی وخت لس بجې د افغانستان د ختیځ پکتیکا ولایت د سروزی ولسوالۍ په کوټنۍ سیمه کښې د امریکایی عسکرو یو ټانګ په ماین والوځوو او پینځه امریکایی عسکر یې ووژل . هغه وویل طالبانو نن د کنړ ولایت د اسمار ولسوالۍ په ابوناو سیمه کښې د بهرنیو عسکرو په یوه کاروان برید وکړ چی له آمله یې د لوژیستیکی موادو دوه ګاډی ویجاړ او پولیس یې وواژه او پینځه نور یې ژوبل کړل . د طالبانو یو بل ویندویی قاری یوسف احمدی هم مونږ ته وویل طالبانو نن د زابل ولایت د قلات ښار په خاله کلی کښې د ملی اردو د عسکرو دوه ګاډی ویجاړ کړی او د ملی اردو پینځه عسکر یې وژلی دی .