په افغانستان کې دطالبانو په حملې کې د ناټو 6 زغرګاډی او دسونګو زیرمه وسوځیدله

فرانسې خبری آژانس راپور ورکړ، ناټوځواکونو نن وویل، دافغانستان په کنړ ولایت کې یې په پوځی مرکز توغندویی حمله وشوه چې پکې 6 زرغرګاډی او د سونګو یوه زیرمه سوځیدلې ده. د ناټو ویندوی وویل په کنړ ولایت کې ددوی په دغه مرکز د وسلو ډزې هم وشوې . افغان رسنیو هم راپور ورکړ،دا اور د توپچی په سیمه کې ،چې د ایتلافی ځواکونو مرکز دی، د تېلو په زخیره کې لګېدلی وی . طالبان وایی چې په اډه کې یې د ناټو ځواکونو دوې الوتکې او تر لسو زیات موټرونه ویجاړ کړی او د تېلو او وسلو زېرمې یې له منځه وړی دی. له حملې څو ساعته وروسته هم د سیمې په اسمان کې لوخړې لیدل کېدې. ناټو وویل چې په دې برید کې یې شپږ زغرګاډی ویجاړ شوی. ویجاړ شوی زغرګاډی د ماین ضد نقلیه وسیلې بلل شوی چې د هر یوه بیه شاوخوا یوملیون ډالرو ته رسېږی.