وسله والو طالبانو په اخلاقی فساد تورنه ښځه ووژله

د تخار ولایت د خواجه غار ولسوال ملا محمدعمر وویل، چې تېره ورځ وسله والو طالبانو د بهر لعل په سیمه کې زرمینه نومې، چی دهغه په خبره په اخلاقی فساد تورنه وه له محاکمې پرته په ډدزو وژله. د سیمې خلک هم پېښه تاییدوی او وایی، چې یاده پېښه دوه شپې دمخه په یوه بجه رامنځ ته شوې وه؟ تر دې دمخه هم وسله والو طالبانو د کندوز په امام صاحب ولسوالۍ کې یوه ښځه د زنا په تور د خلکو پر وړاندې په کاڼو ویشتې وه. د وسله والو طالبانو په دې کار په تخار ولایت کې د بشری حقونو خپلواک کمېسیون خواخوږی ښودلې او دغه پېښه یی غندلې ده. د یادونې وړ ده، چې د اسلامی شریعت په رڼا کې کله، چې یوه ښځه د زنا مرتکبه شی او 4 شاهدان پرې تېر شی، بیا د شریعت مطابق پرې حد نافذېږی. وسله والو طالبانو په دې اړه تراوسه پورې څه نه دی ویلی، خو ویل کیږی، یاده ښځه په زنا تورونه وه.