رییس جمهور عازم تاجیکستان شد

<p style=\"text-align: justify;\">رییس جمهور محمداشرف غنى در راس یک هیات عالی رتبۀ دولتی، صبح امروز عازم دوشنبه، پایتخت تاجیکستان گردید.<br /> در اعلامیۀ دفتر مطبوعاتى ریاست جمهورى آمده است که این سفر بنا بر دعوت رسمی امام علی رحمان رییس جمهور تاجیکستان صورت گرفته است.<br /> رییس جمهور کشور در جریان این سفر دو روزه ضمن دیدار با رییس جمهور، صدراعظم و رییس مجلس نماینده گان تاجیکستان، در مورد گسترش روابط و همکارى ها میان دو کشور در عرصه هاى مختلف بحث و تبادل نظر خواهد نمود.<br /> به گفته منبع، در جریان این سفر در حضور داشت روسای جمهور افغانستان و تاجیکستان موافقتنامه های همکاری از سوی مقامات مربوطه دو کشور به امضا خواهند رسید.<br />  رییس جمهور غنی در نشستى با حضور استادان و محصلین دانشگاه ملی تاجیکستان سخنرانی نیز خواهد کرد.<br /> در این سفر رییس جمهور را صلاح الدین ربانی وزیر امور خارجه، علی احمد عثمانی وزیر انرژی و آب، فرید حمیدی لوی څارنوال و قدرت الله دلاوری رییس برشنا شرکت همراهی می‌کنند.</p>