دافغانستان د ولسمشر ویندوی وویل، د امریکا په ستراتیژۍ کې بیا کتنه کافی نه ده

توحید عمر نن په مطبوعاتی کنفرانس کې وویل، افغان حکومت، د افغانستان لپاره د امریکا د بیا کتل سوی ستراتیژۍ هرکلی کوی، خو ، باید په دې ستراتیژۍ کی ځنی نور مهم ټکی هم په پام کی نیول شوی وی هغه وویل امریکا په خپلې ستراتیژۍ کې یواځې تر 2014 کاله پورې دخپلو ځواکونو په وتلو او دافغانستان او پاکستان په سرحدونو کې د طالبانو او القاعدې په نابودولو ټینګار کړی. د ولسمشر حامد کرزی ویاند وحید عمر خبریالانو ته وویل، چی امریکا او نړیوال ټولنه باید په افغانستان کی، د سولی له بهیره په رښتینې توګه ملاتړ وکړی، اقتصادی وده په پام کی ونیسی، په عملیاتو کی د ولسی خلکو ژوند ته پام وکړی او د افغان ځواکونو په سمبالولو کی دې مرسته وکړی. هغه زیاته کړه تر هغه وخته چې نړیواله ټولنه او امریکا په صادقانه توګه د افغانستان دحکومت له لومړیتوبونو ملاتړ ونکړی، سوله اوثبات ډیره لرې خبره ده.