نیمروز کې 160 کیلو ګرامه نشه یی توکی ونیول شول

ځایی پولیس وایی، چې د نیمروز او ایران ترمنځ پولې ته څېرمه یې د کرستال په نامه 160 کیلو ګرامه نشه توکی نیولی دی. د دوى په وینا، دغه توکی په یوه ټېلر ډوله موټر کې بار وو او بندروالى سیمه کې د پولیسو لخوا کشف او ونیول شول. د نیمروز ولایت د امنیت امر موسى رسولی په دې اړه کلید ته وویل، چې قاچاقبرانو نیټ درلود، چې دغه نشه یی توکی ایران ته ولېږدوی. نوموړی زیاته کړه، چې د پېښې په تړاو یې دوه تنه نیولی، چې په امنیه قومندانۍ کې ترې پوښتنې ګروېږنې روانې دی. د نوموړی د معلوماتو له مخې، دغه نیول شویو کسانو په لومړنیو پلټنو کې منلې، چې دغه توکی یې ایران ته لېږدول. د روان لمریز کال له پیله تر دې دمه په دې ولایت کې 2زره کیلو ګرامه نشه یی توکی کشف او عاملین یې عدلی او قضایی ارګانونو ته پېژندل شوی دی.