پر ملی دفاع وزارت ځانمرګى برید

یو ځانمرګى بریدګر نن شاوخوا 12 بجې د ملی دفاع وزارت ودانۍ ته ننوتو او پر سرتېرو یې د سپکو وسلو برید وکړ، چې په پایله کې یې دوه تنه وژل شوی او 7 نور ټپیان دی، دا چې دغه وژل شوی او ټپیان څوک دی په اړه یې لا معلومات نشته. د یاد وزارت ویاند جنرال ظاهر عظیمی رسنیو ته ویلی، چې دغه ځانمرګى بریدګر د ملی اردو له جامو او کارت څخه په ګټې ملی دفاع وزارت ته ننوتى و. نوموړی زیاته کړې، چې اوس سیمه د دوى تر کنټرول لاندې ده او بریدګر مخکې له دې چې ځانمرګى برید ترسره کړی د ملی اردو د سرتېرو لخوا ووژل شو. تر اوسه په دې اړه وسله والو مخالفینو څه نه دی ویلی.