کرزی او بان کی مون سره وکتل

د ایرکا خبری اژانس د راپور له مخې د افغانستان د ولسمشرۍ دفتر په یوه بیانیه کښې وویل ددغه هیواد ولسمشر حامد کرزی چې د کم مخ پر وده هیوادونو په څلورمه غونډه کښې د ګډون لپاره ترکی ته تللی دی بیګا په استانبول کښې د ملګرو ملتو له سرمنشی بان کی مون سره د القاعدی د مشر اسامه بن لادن له وژلو وروسته د سیمې په روانو حالاتو غږیدلی دی . د ملګرو ملتو سرمنشی په دغه کتنه کې د افغانانو په مشرۍ په افغانستان کښې د سولې له بهیره د ملګرو ملتو په ملاتړ زور واچاوه . په کتنه کښې د افغانستان په مزارشریف کښې د ملګرو ملتو په دفتر د حملې ، افغان ځواکونو ته له بهرنیانو د آمنیتی مسئولیتونو د سپارلو ، او له طالبانوسره د خبرو اترو او په ترکیه کښې د طالبانو د سیاسی دفتر د پرانیستلو په کله خبرې اترې شوی دی .