ننګرهار کې د پولیسو د اکاډمۍ استادانو پر موټر ځانمرګۍ برید شوی

د جلال آباد ـ تورخم په لویه لار د ننګرهار پولیسو اکاډمۍ د استادانو موټر پر نن مازدیګر یوه ځانمرګۍ برید شوی چې په پایله کې 10 کسان ټپی شوی دی. دننګرهار د عامی روغتیا روغتون رییس ډاکټر سیف الرحمن ابراهیم خیل وویل، هوایی ډګر ته څیرمه د ننګرهار د پولیسو اکاډمۍ پر استادانو یوه ځانمرګۍ برید شوی. دهغه په وینا ، په دې برید کې 10 تنه ټپی شوی چې د درملنې په موخه روغتون ته راوړل شوی خو د ټپیان د پیژندګلوی په اړه یې له معلوماتو ډډه وګړه . د ننګرهاروالی ویاند احمدضیا عبدلزی وویل، دغه برید یو ځانمرګۍ برید وو چې ،د مرګ ژوبلې په اړه یې معلومات نه درلود. د عبدلزی په وینا، دغه برید د ننګرهار پولیسو اکاډمۍ د استادانو پر موټر شوی. دا په داسې حال کې ده چې دوه میاشتې وړاندې هم په یاد ولایت کې د اکاډمی د استادانو پر موټر ورته برید شوی وو چې مرګ ژوبله یې لرله .