دافغانستان په هرات اووردګوکې اته بهرنی عسکر ووژل شول

زمونږ خبریال له کابله راپورراکړدطالبانویوې څلورکسیزې ډلې دافغانستان په هرات ولایت کې دایټالیائی عسکرو پر مرکزپه برید کې پنځه ایټالیاوال عسکرمړه او 23نور ټپیان کړی دی . ویل کیږی چې څلورو طالبانو نن غرمه په هرات ښار کې د دغو عسکر وپر مرکز حمله وکړه اوپه هغوکې دووکسانو پرځان پورې تړلی چاودیدونکی مواد وچاودول او دغه مرګ ژوبله او دغه رازیولړنورتاوانونه ئې واړول . ددغه راپور په اساس د افغانستان د امنیتی مامورانو او طالبانو ترمینځ د خبر تر مخابیره کیدا پورې نښته روانه وه . همداراز پریسی ټی وی هم راپورورکړ د افغانستان د وردګ ولایت په سید آباد سیمې کې هم سړک غاړې ته په بم چاودنې کې څلور بهرنی عسکر وژل شوی دی . ناټوځواک هم ددغې چاودنې د مړو شمیر تائید کړی دی خو ددغې چاودنې نور جزیات اودوژل شویوکسانوهویت اوملیت په باب ئې څه نه دی وئیلی .دافغانستان په وردګ ولایت کې زیاتره امریکائی عسکر دیره دی . د طالبانو مسئولانو د یوې اعلامیې په خپرولو سره ددغې حملې مسئولیت په غاړه اخستی دی