تأکید رئیس جمهور تاجیکستان و افغانستان بر مبارزه مشترک علیه تروریزم

رئیس جمهور تاجیکستان تاکید کرده است که کشورش آماده است در امر مبارزه با تروریزم و بهبود وضعیت امنیتی در افغانستان، با حکومت کابل همکاری کند.
دفتر مطبوعاتی ریاست جمهوری با نشرخبرنامه ای گفته است که محمداشرف غنی رئیس جمهور کشور و امام‌علی رحمان رئیس‌جمهور تاجیکستان عصر روز جمعه (15 ثور) از طریق تماس تلفنی باهم صحبت کردند.
سران دوکشور روی موضوعات مورد علاقه بحث و تبادل نظر نمودند.
آقای غنی از رئیس‌جمهور تاجیکستان دعوت کرد که از افغانستان دیدن نماید تا گام‌های بهتر در عرصه تقویت همکاری‌ها به خصوص در عرصه‌های امنیتی و اقتصادی برداشته‌شود.
رئیس جمهور تاجیکستان از دعوت رئیس‌جمهورغنی استقبال کرده، گفت که کشورش آماده است درهمکاری با افغانستان در بهبود وضعیت امنیتی و مبارزه با تروریزم مشترکاً کار کند.
در این تماس تلفنی سران دوکشور بر مبارزه مشترک علیه تروریزم تأکید ورزیدند.
گفتنی است که کشورهای آسیای میانه به شدت از افزایش ناامنی ها در افغانستان نگران اند و از آن هراس دارند که مرزهای آنان از سوی گروه های تروریستی در افغانستان تهدید شود.