ادای احترام روزنامه نگاران تاجیک به قربانیان حمله کابل

گروهی از روزنامه نگاران تاجیک برای ادای احترام به قربانیان حملات انتحاری اخیر در کابل که بیش از صد شهید و بیش از 230 زخمی برجا گذاشت، در کنار ساختمان سفارت افغانستان در دوشنبه گل گذاشتند.
در این رویداد که صبح دوشنبه 9 دلو برگزار شد، زلمی یونسی، سفیر افغانستان در تاجیکستان، از این اقدام تقدیر کرد. روز شنبه امامعلی رحمان، رئیس جمهوری تاجیکستان، نیز با ارسال پیامی به محمد اشرف غنی، رئیس جمهوری کشورمان، به مردم  افغانستان و بستگان قربانیان انفجار کابل ابراز همدردی کرد.